mulla nasaruddeen

 mulla nasaruddeen ek baajaar se gujar raha hai. ek aam vaale ka thela khada hai aur aam vaala us taraph munh karake kisee se baat kar raha hai. to usane ek aam uthaakar apane jhole mein daal liya. phir usakee aatma kachotane lagee. phir use laga ki choree karana to theek nahin. aur bechaare aam vaale ko dhokha de diya. gareeb aadamee hai; aur gareeb ko dhokha dena uchit nahin hai. yah mainne paap kiya.
to vah vaapas gaya. jhole se aam nikaala aur aam vaale se kaha ki aam badal do. aam vaale ne samajha ki khareeda hoga isane, to usane bechaare ne badal diya. tab vah prasannata se ghar lauta. usane kaha, pahala to mainne churaaya tha, doosara usane khud hee diya hai. ab aatma mein koee kaanta nahin chubh raha hai. ab vah bilakul prasann ghar ja raha hai; kyonki doosara usane khud diya hai. ab koee savaal hee nahin hai.
kareeb—kareeb aap yahee kar rahe hain. jara—sa her—pher kar lete hain aur sochate hain, sab hal ho gaya. aise hal nahin hoga. yah dhokha chal nahin sakata. aapako samajhana hee hoga ki mool samasya kya hai.
mool samasya itanee hai ki jo aapako mila hee hua hai; usako aap paane kee koshish kar rahe hain. jaise ek machhalee saagar mein saagar ko khojane kee koshish kar rahee ho. badee kathinaee hai. guru kya kar sakata hai is machhalee ke lie!
ek hee upaay hai ki kisee bhaanti is machhalee ko paanee ke baahar kheench le, taaki yah tadaphane lage. aur yah tadaph jae ret par do kshan, vaapas isako saagar mein daal de, to yah phauran pahachaan jaegee ki main saagar mein sada se thee. lekin jab tak yah saagar se alag nahin huee, tab tak isako pata bhee nahin chal raha hai.
aap paramaatma mein hain, jaise machhalee saagar mein hai. jaise machhalee saagar ke bina nahin ho sakatee, aap paramaatma ke bina nahin ho sakate hain. vah aapake hone ka dhang hai. vah aapake hone ka aadhaar hai.
to guru kya kare? aap usase poochhate hain, main kya karoon paramaatma ko paane ke lie? aur vah dekh raha hai ki machhalee paanee mein tair rahee hai. aur poochhatee hai, paanee ko paane ke lie kya karoon? to aapako kuchh vidhi bataata hai. ve vidhiya sab aisee hain ki jinase aap tadaph jaen; jinase aap kshanabhar ke lie us bechainee se bhar jaenge, jo aapako saagar se alag kar de ek kshan ko bhee. aur jaise hee vah alag hone kee vyarthata aur peeda aapako pata chalegee, aap vaapas saagar mein gir jaenge. vah saagar mein girana hee paramaatma se milana ho jaega.
osho
x

Comments